«PSJ» бразилиялик футболчини сотиб олди
Трансфер клубга 20 миллион еврога тушган.
«PSJ» бразилиялик ёш яримҳимоячи Габриел Москардони сотиб олди.
18 ёшли футболчи парижликлар билан 2028 йилнинг ёзига қадар шартнома имзолади.
Москардо «Коринтианс»да мавсум охиригача ўйнашда давом этади.
Инсайдер Фабрисио Романонинг ёзишича, «PSJ» Москардо учун 20+2 млн евро тўлайди.
Москардо «Коринтианс» сафида 25 та ўйин ўтказиб, 1 та гол урган, яна 1 та голга ассистентлик қилган ва 9 та сариқ карточка олган.
Габриел ҳали Бразилия миллий жамоасида ўйнамаган, Бразилия У-23 сафида 1 бор майдонга тушган.
