Испания чемпионатида пешқадамлик учун жиддий кураш кетмоқда

 

Ла Лига 22-турининг якшанба кунги дастурини «Жирона» сафарда «Селта»га қарши ўйин билан бошлади. Агар ғалаба қозонса, Мишел жамоаси яна жадвалда биринчи ўринга чиқиб оларди.

 

Учрашувнинг дастлабки дақиқалари «Жирона»нинг устунлиги билан ўтди. Каталония жамоаси бир неча хавфли вазиятларни яратди. Дарвозабон эса ўз вазифасини аъло даражада бажарди.

 

«Селта» Оскар Мингуэзанинг яқин бурчакка йўллаган хавфли зарбаси билан жавоб қайтарди. Дарвозабон тўпни бурчакка чиқариб юборишга муваффақ бўлди. Шунга қарамай, биринчи гол «Жирона» футболчилари томонидан киритилди. «Жирона»нинг ҳужумкор футболчиси учун бу Примерадаги учинчи гол бўлди. Бошқа томондан, бу унинг Ла Лигадаги сўнгги бешта ўйиндаги тўртинчи самарали ҳаракати (иккита гол, иккита голли узатма).

 

Биринчи бўлимнинг иккинчи ярмида «Селта» анча хавфли ҳужумлар уюштирди. Бир эпизодда Ёрген Ларсеннинг зарбасидан сўнг дарвозабон Пауло Гассанига тўпни қайтариб қолди. «Селта»нинг яна бир ҳужумчиси Анастасиос Дувикас эса яхши позициядан кучсиз зарба берди.

 

Биринчи бўлим охирида «Жирона» ўйиннинг 68 фоизида тўпга эга бўлди,  кўпроқ дарвозага зарба берди. Шу билан бирга меҳмонлар иккинчи бўлимда гол ўтказиб юборишлари ҳам мумкин эди, аммо маълум эпизодларда омад улар томонда бўлди. Ваҳоланки, Каталония клуби футболчилари ҳар бир таймда биттадан кўп гол уришлари мумкин эди.

 

Иккинчи бўлим анча зерикарли ўтди дейиш мумкин. Икки жамоада ҳам қулай имкониятлар бўлмади. Меҳмонлар ҳимояда ишончли ўйнади. Мишел жамоаси яна Ла Лига жадвалида биринчи ўринни эгаллаши муҳимроқ эди. «Реал» 1 очко ортда қолмоқда, аммо ҳисобида битта ўйин бор, «Барса» 11 очкога ортда qolmoqda.Chempionatdagi кейинги учта ўйин пешқадам учун жуда қийин бўлади. Аввалига у "Реал Соседад"ни қабул қилади, кейин эса «Реал» ва «Атлетик» билан меҳмонда ўйнайди. «Селта» 16-ўринда қолди ва жамоа хавфли зонага тушиб кетиши мумкин.