"Бу ҳақда гапиришнинг айни вақти деб ўйламайман"
Клопп "Барса"ни бошқариши мумкинми?
"Барселона" спорт директори Деко "Ливерпул" устози Юрген Клоппнинг Каталония жамоасига бош мураббий этиб тайинланиши мумкинлиги ҳақида гапирди.
"Клопп - топ-мураббий, аммо унинг тайинланиши ҳақида гапиришнинг айни вақти деб ўйламайман. Бизда бош мураббийликка номзодлар кўп, аммо ҳаммаси кейинроқ муҳокама қилинади", - деди Деко.
Эслатиб ўтамиз, Хави ва Клопп 2023/2024 йилги мавсум якунланганидан сўнг ҳозирги жамоаларини тарк этишларини маълум қилганди.
"Барселона" айни дамда Испания Ла Лигаси турнир жадвалида 3-ўринни эгаллаб турибди. Хави шогирдлари 23 турда 50 очко тўплашди. Турнирнинг навбатдаги учрашувида "кўк-анорранглилар" ўз майдонида "Гранада" билан куч синашади.
