Саудияликлар "Рома"ни сотиб олмоқчи
Инвесторлар 900 миллион евро таклиф қилишган.
Саудия Арабистони сармоядорлари Италиянинг "Рома" клубини сотиб олмоқчи. Манбага кўра, томонлар ўртасида музокаралар аллақачон бошланган, Рим клубининг юридик бўлими раҳбари Ар-Риёдда. Саудиялик инвесторлар клуб учун 900 миллион евро таклиф қилишга, шунингдек, янги стадион қурилиши учун яна 300 миллион евро ажратишга тайёр. Бироқ, арена лойиҳаси Рим ҳокимиятининг розилигини талаб қилади.
Эслатиб ўтамиз, ўтган ёзда римликлар эгаси Ден Фридкин клубни 1 миллиард еврога сотишдан бош тортган эди.
Жорий мавсум чемпионатнинг 23-туридан сўнг "Рома" 38 очко билан турнир жадвалида 5-ўринни эгаллаб турибди. Клуб еврокубокларда ҳам иштирок этишда давом этмоқда.
