Тошкент жаҳондаги ҳавоси энг ифлос шаҳарлар рўйхатида 3-ўринни эгаллади
Пойтахт ҳавосидаги ПМ-2,5 майда дисперсли заррачалар миқдори 162 мкг/м3ни ташкил этиб, бу “ўта зарарли” ҳисобланади.
IQAir веб-сайтида 13 февраль куни соат 14:10да Тошкент шаҳри ҳавонинг ифлосланиши бўйича дунёда 3-ўринни эгаллади.
Ҳаводаги ПМ-2,5 майда дисперсли заррачалар миқдори 162 мкг/м3ни ташкил этган. Бу ЖССТ тавсияларидан 32,4 марта кўпроқ.
Рўйхатда Покистоннинг Лохор вилояти биринчи, Ҳиндистоннинг Деҳли шаҳри иккинчи ўринда қайд этилган.
"Ўзгидромет"га кўра, 13 февраль соат 9:00-10:00 да Тошкент шаҳрининг атмосфера ҳавосидаги ПМ-2,5 майда дисперсли заррачалар миқдори Юнусобод тумани "Бодомзор" йўлида 56 мкг/м3ни, Чилонзор тумани Халқлар дўстлиги майдонида 56 мкг/м3ни ташкил этган. Қайд этилишича, ушбу ҳудудларда ҳаводаги чанг миқдори АҚИ – РМ 2,5 кўрсаткичи бўйича ҳавонинг "носоғлом" даражадаги ифлосланиш тоифасига киради.
