Осиёнинг энг бой одами дабдабали тўй қилди
Маросимга Ҳиллари Клинтон, Билл Гейтс, Марк Сукерберг каби шахслар таклиф этилган.
Ҳиндистоннинг энг бой кишиси Мукеш Амбани ўғлини уйлантирди.
Уч кунлик тўй маросимига 1000 киши, жумладан, Ҳиллари Клинтон, Билл Гейтс, Марк Сукерберг ва бошқа дунёнинг етакчи инсонлари таклиф этилган. Меҳмонларга машҳур хонанда Риҳанна хизмат қилган.
Тўй таомномаси ҳам кўпчиликни ҳайрон қолдириши аниқ. Бунинг учун дунёнинг турли бурчакларидан 25 дан ортиқ ошпазлар жамоаси жалб қилинган. Улар меҳмонларга япон, мексика ва таиландча усулда 2500 хил овқат тайёрлашган.
Маълумотларга кўра, тўй Ҳиндистоннинг энг гўзал минтақаларидан бири - Удаипурда кенг миқёсда нишонланган. Тўй олдидан уч кунлик катта маросим беш юлдузли Оберои Удаивилас меҳмонхонасида ва 18-асрда қурилган шаҳар саройида бўлиб ўтган.
Маълумот учун, Мукеш Амбани нефть ва газ ишлаб чиқарувчи йирик компания эгаси ҳисобланади. Форбес талқинига кўра, у дунё миллиардерлари рейтингида 7-ўринда туради.
