"Арсенал" 14 йиллик омадсизликка нуқта қўйди
Жамоа 2010 йилдан бери илк марта Чемпионлар лигасининг чорак финалида ўйнайди.
Чемпионлар лигаси 1/8 финалидан ўрин олган "Арсенал" ва "Порту" ўртасидаги жавоб учрашувининг асосий вақтида Лондон клуби рақибни 1:0 ҳисобида мағлуб этди. Икки ўйин (1:1) якунига кўра, учрашув қўшимча бўлимларда давом этди ва унда жамоалар гол ура олмади. Пенальтилар церийасида "Арсенал" футболчилари ғалабани қўлга киритди.
Шу тариқа, "Арсенал" 2010 йилдан буён илк марта Чемпионлар лигасининг чорак финалида иштирок этади.
Эслатиб ўтамиз, Чемпионлар лигасининг гуруҳ босқичида "Арсенал" тўрт ўйинда ғалаба қозониб, бир марта дуранг ўйнаган ва бир марта мағлуб бўлган. Жамоа "Б" гуруҳида биринчи ўринни эгаллаб, турнирнинг плей-офф босқичига йўлланма олганди.
