Алишер Навоийнинг қандай унвонлари бўлган?
Бу бўйича WOSCU қизиқарли маълумот тақдим этди.
Алишер Навоий Ҳирот ҳукмдори Бойқаро Мансур ўғли Султон Ҳусайннинг яқин дўсти, айни пайтда кўкалдоши ва ишончли маслаҳатчиси бўлган.
Алишернинг оиласи доимий равишда Темурийлар саройининг хизматида бўлиб келишган. 876/1472 йили Султон Ҳусайн уни девони аълонинг амири ёки беги (мансаби иморат) лавозимига тайинлаган пайтда Алишер Мир унвонига эга бўлади. Бироқ 892/1487 йилда Алишер Навоий ўзи эгаллаб турган лавозимлардан, хусусан, Астробод ҳокими каби мансаблар қатори ўз амирлик вазифасидан ҳам воз кечади, ваҳоланки, мазкур мансаб номи унда умрининг охиригача сақланиб қолади.
Алишер Навоий болалик давридан бошлаб Султон Ҳусайн хизматида бўлиб, кўплаб ҳолатларда унга содиқлигини исботлаб келади. Натижада давлатнинг барча асосий вазифалари унга ишониб топширилади, шу тариқа унга "муқарриби ҳазрати султоний" (яъни султоннинг ишонгани) деган шарафли ном берилади.
