Роналдунинг голи даҳшатли серияга якун ясади

 

Бир неча кун олдин Саудия Арабистонидаги энг шов-шувли ўйинлардан бири бўлди. «Ал-Наср» ва «Ал-Аҳли» мамлакатнинг энг кучли жамоалари ҳисобланади. Чемпионат жадвалида «Ал-Наср» «Ал-Ҳилол»дан 12 очко ортда қолмоқда. «Ал-Аҳли» эса «Ал-Наср»дан атиги 6 очко ортда. Яъни ўша куни чемпионатнинг иккинчи ва учинчи жамоалари тўқнаш келишди.

 

Деярли мухлислар билан тўлган стадионда мамлакат элита клублари ўртасидаги Супер ўйин бўлиб ўтди. «Ал-Наср» кичик бир инқирозга тушиб қолган. Расмий равишда ҳаммаси 29 февраль куни бошланди. «Ал-Ҳазм» билан 4:4 ҳисобидаги омадсиз дуранг. Кейин Осиё чемпионлар лигасидан чиб кетиш ҳамда чемпионатда иккита мағлубият бор эди. Шу сабабдан улар «Ал-Ҳилол»дан узоқлашиб кетишди ва катта эҳтимол билан энди ҳеч ким уларнинг чемпионликни қўлга киритишига ишонишмайди. Ҳатто асосий юлдуз Криштиану Роналду ҳам жамоа Чемпионлар лигасидан чиқиб кетганидан сўнг раҳбарият муаммоларни ҳал қилиши кераклиги ҳақида пост ёзди ва мухлислардан узр сўради. 39 ёшли футболчи бу мавсумда ҳам чемпионлик кубогини боши узра кўтара олмаслиги мумкин.

 

Роналдунинг Чемпионлар лигасини тарк этиши оғир ҳолат. У уч метрдан гол ура олмади ва жамоаси пенальтилар сериясида мағлуб бўлди. Аммо Криштиану «Ал-Аҳли» билан учрашувда асосий таркибда майдонга тушди. Унинг биринчи бўлим охиридаги ҳаракати эса 45 дақиқаликда ягона ёрқин воқеа бўлди. Мане майдоннинг ярмида ҳаммадан қочиб кетган португалиялик футболчига узатди. Роналду тўпни ушлаб қолиш учун югуриб чиққан Мендини алдаб ўтиб, дарвозага зарба берди. Бироқ, унинг голи ўйиндан ташқари ҳолат сабаб инобатга олинмади. Мухлислар томонидан улоқтирилган турли буюмлардан сўнг, Отавионинг боши жароҳат олди.

 

Умуман олганда, биринчи бўлимда жамоалар дарвоза томон бир неча бор зарба беришди. Иккинчи бўлимнинг бошланиши жамоалар эҳтиёткорлик билан ўйнашни хоҳлаётгани сезилди. Тўп асосан марказда ўйналди.  Бироқ, «Ал-Наср» дарвозасига биринчи хавфли ҳужум гол билан якунланди. Аммо, у ҳам ҳисобга олинмади.

 

Бу вазият эса «Ал-Наср»га куч бергандек бўлди. Улар ютқазишда давом этишни ва муддатидан олдин чемпионлик учун барча имкониятларни бой беришни исташмагани аниқ. Шунинг учун жамоа ҳужумга ташланди. Вазиятлардан бирида «Ал-Аҳли» дарвозаси томон пенальти белгиланди.  Роналду эса тўпга яқинлашди ва қисқа пауза билан ишончли тарзда имкониятни голга айлантирди. Шундан сўнг, «Ал-Аҳли» ўйинни қутқариш учун олдинга ташланди. Жамоа шу тариқа бир неча бор имкониятларга эга бўлди, бироқ улардан унумли фойдалана олмади. Шу тариқа Роналду жамоасига яна уч очкони тақдим этди.