"Барселона" Мадридни ларзага келтирди

 

"Барселона" Испания чемпионати доирасида Мадридда "Атлетико"ни мағлуб этди. Шу тариқа Хави шогирдлари "Жирона"ни ортда қолдирди ва иккинчи ўринга кўтарилиб олди. "Реал Мадрид" билан фарқ 8 очкони ташкил этмоқда. Чемпионлар лигасидаги энг қийин ўйинлардан сўнг Диего Симеоне ва Хави таркибни бироз янгилади. Хусусан, "Атлетико"да ҳамон Гризманн захирада, "Барселона"да эса Кристенсен жароҳат олган эди, шу боис Испаниянинг амалдаги чемпионларига ҳимоячи ёрдам беролмади. Майдон марказини Гюндоган ва Серги Роберто эгаллашди.

 

Ярим соат давомида "Атлетико"нинг режаси яхшироқ ишлади. Ҳимояда ёш Кубарси-Форт жуфтлиги билан ўйнаган "Барса"га мезбонлар босим ўтказишди. Ушбу эпизодлардан бири Тер Штегенга мадридликларга биринчи гол уриш имкониятини бериши мумкин эди, бироқ у вазиятдан тез чиқиб кетишга муваффақ бўлди. "Атлетико" қанотлар орқали ҳужумларни яхши ривожлантирди ва кескин узатмалардан фойдаланди. Симеоне жамоани бошқаришга шунчалик берилиб кетдики, ўйин вақтида майдон ичига ҳам кириб кетди.

 

Бу вақт ичида "Барса" ҳам рақиблар дарвозаси олдида хавфли вазиятларни яратишга муваффақ бўлди. Каталонияликлар дарвозага умуман зарба беришмади, бироқ биринчи бўлим охирида "Атлетико"га тегишли бўлган Феликс "Барса"ни ҳисобда олдинга олиб чиқди. Танаффус олдидан Рафиня ва Фермин ҳам иккита голли вазиятга эга бўлди. Симеоне эса, афтидан, ўйиннинг шу тартибда ишлаши керак деган хулосага келганди. Танаффусдан сўнг дарҳол "Барселона"нинг икки собиқ ўйинчисини - Гризманн ва Депайни майдонга туширди. Аммо, 47-дақиқада голландиялик футболчи майдон марказида тўпни йўқотиши оқибатида "Атлетико" иккинчи голни ўтказиб юборди. Левандовски жарима майдончаси ичида Рафинянинг тўп узатишидан сўнг дарвозага тўп киритишга муваффақ бўлди.

 

"Атлетико Мадрид" бу мавсумда ўз уйида биринчи бор мағлуб бўлиши эди. Симеоне жамоасида "Интер" билан ўтказган ҳиссиётлари етишмади, аммо мезбонлар ҳеч бўлмаганда дурангни сақлаб қолиш учун бор кучлари билан олдинга ҳаракат қилишди. Мадридликлар имкон қадар олдинга ташланди ва "Барса" эса босимни бузишга уринди. иккинчи бўлим ўрталарида Левандовски ўз ҳисобига яна бир голли узатмани ёздириб қўйди. "Барса" юзага келган бўш ҳудуддан аъло даражада фойдаланди: полшалик футболчи жарима майдончаси марказида очилаётган Ферминга узатмани кесиб ташлади ва ажойиб вазиятга олиб чиқди.

 

Симеоне жамоаси мағлубиятдан қутулиб қолиш имкониятига эга эди, аммо ўша куни Мадрид жамоасининг куни эмасди. Энг ёмони, "Атлетико" қўшиб берилган дақиқаларда Молинани жароҳати сабаб ундан энди маълум муддат фойдалана олмаслиги мумкин.