"Бавария" чемпионлик пойгасидан чиқдими?
Жамоа кеча 10 йил ичида илк бор ўз уйида "Боруссия"га ютқазиб қўйди.
Бундеслиганинг 27-туридан ўрин олган асосий ўйинда ҳар икки жамоанинг асосий дарвозабонлари майдонга туша олишмади. "Боруссия" дарвозабони Кобел бир неча ҳафтадан бери жароҳатидан фориғ бўлаётган бўлса, "Бавария" дарвозабони Нойер ҳам яқинда Германия терма жамоаси машғулотларида жароҳат олди.
Анъанага кўра, учрашув Кейннинг ажойиб имкониятлари билан бошланди. Англиялик футболчи биринчи бўлимда дарвоза томон уч марта зарба берди, бироқ ҳар сафар унга омад етишмади. Меҳмонлар эса ўзларига берилган барча имкониятлардан унумли фойдаланишди. Бир вақт Мюллер рақиб майдонида тўпни йўқотиб қўйди ва бу "Боруссия"нинг қарши ҳужуми Адеемининг голи билан якунланди. Улрайх жамоасини қутқариш имкониятига эга эди, бироқ унинг қўллари орасидан тўп дарвозага кириб кетди. "Бавария" биринчи бўлимда кўпроқ имкониятлар яратди. "Боруссия" таркибидаги энг яхши футболчилардан бири Хуммелс бўлди, у мунтазам равишда мюнхенликларнинг ҳужумини тўхтатиб турди.
Иккинчи бўлимда "Бавария" майдондаги тўлиқ устунликни ўзига олди, аммо Дортмунднинг камдан-кам учрайдиган имкониятлари янада хавфлироқ кўриниш олди. 53-дақиқада Нмеча етти метрдан гол уриши мумкин эди бироқ Улрайх тўпни чизиқ устидан қайтариб қолди. "Бавария"нинг ўринбосарлари орасида Гнабри, Коман, Тел ва ҳатто Чоупо-Мотинг бор имкониятлари даражасида ҳаракат қилишди, аммо гол ура олишмади. Натижада "Боруссия" бу вақтда ичида иккинчи голни ҳам уришга муваффақ бўлди. Руэрсон жарима майдончаси ташқарисидан узоқ бурчакка зарба берди. Бу ерда дарвозабон учун ҳеч қандай имконият қолдирилмаган эди. Шундан сўнг "Бавария" мухлислари стадионни тарк эта бошлашди.
Айтиш мумкинки, "Боруссия"нинг ғалабаси чемпионлик пойгасига ўз таъсирини ўтказди. Энди ягона савол туғилади. "Байер" ўз тарихидаги илк чемпионликни қайси турда қўлга киритади? Қолган етти турда леверкузенликлар фақат уч марта ғалаба қозонишлари керак. Бу эса жамоага муддатидан олдин чемпионликни тақдим этади.
