"Реал"га юлдузлар оқими давом этади
Клуб яна бир суперфутболчи учун 100 миллион евро тўлайдиган бўлди.
"Реал" таркибини кучайтиришда давом этади. Ёзда "ПСЖ" ҳужумчиси Килиан Мбаппени ўз таркибига қўшиб олиши кутилаётган мадридликлар энди Бундеслиганинг энг зўр ўйинчиси Флориан Вирс трансфери бўйича иш бошлади.
Инсайдер Антонио Гонсалес Галярдонинг таъкидлашича, “Қироллик клуби” раҳбарияти 20 ёшли ярим ҳимоячи учун 100 миллион евро тўлашга тайёр.
Мадридликлар Вирсни 2025 йилнинг ёзида трансфер қилмоқчи. Чунки "Байер"ни чемпион қилишга яқин турган ҳужумкор футболчи келаси мавсум ҳам Леверкузенда қолишини таъкидлади ва ўзига бўлаётган кўп сонли чорловларга шу тарзда нуқта қўйди.
