"Тўққиз ой жанг бўлди, нега энди чалғишимиз керак?"
Гвардиола "Реал"га қарши ўйин ҳақида гапирди.
"Манчестер Сити" бош мураббийи Пеп Гвардиола "Реал" билан 9 апрель куни бўлиб ўтадиган Чемпионлар лигаси 1/4 финал учрашуви ҳақида гапирди.
"Ҳозир "Реал"га қарши ўйин ҳақида ўйлаганим йўқ. Агар биз Премьер-лигада етакчи бўлганимизда, мен бор эътиборимни "Реал"га қаратган бўлардим. Биз учинчи ўриндамиз ва рақиблардан унчалик узоқ эмасмиз. Аммо очко йўқотсак, чемпионликни қўлга киритиш деярли имконсиз бўлади. Тўққиз ой жанг бўлди, нега энди чалғишимиз керак?" — Гвардиола.
Англия чемпионатининг 31-туридан сўнг “Манчестер Сити” 67 очко жамғариб, турнир жадвалида пешқадамлик қилаётган "Арсенал"дан бир очко ва "Ливерпул"дан 3 очко ортда қолмоқда.
