"Шу ҳолатда давом этсак чемпион бўлолмаймиз"
Юрген Клопп Премьер-лигада чемпионлик учун кураш ҳақида гапирди.
"Ливерпул" бош мураббийи Юрген Клопп 2023/2024 йилги мавсумда Англия премьер-лигасида чемпионлик учун кураш ҳақида гапирди.
“Мен аҳмоқ эмасман. Лекин жавоб жуда оддий. Агар биз "Кристал Пелас"га қарши биринчи бўлимдагидек ўйнасак, ҳеч қачон чемпионликни қўлга кирита олмаймиз. Агар иккинчи бўлимдагидек ўйнасак, ўйинларда ғалаба қозонишимиз мумкин. Агар ғалаба қозона олсак, бу бизни қаерга олиб боришини кўрамиз", - деди Клопп.
Англия премьер-лигасининг 33-тур учрашувларидан сўнг “Манчестер Сити” турнир жадвалида биринчи ўринга кўтарилиб олди. Гвардиола жамоаси ҳисобида 73 очко бор. "Арсенал" иккинчи ўринни эгаллаган бўлса, "Ливерпул" кучли учликка якун ясаб турибди.
