“Манчестер Юнайтед” Тухелни олиб келмоқчи
Жамоа Тен Хагни ўрнига янги мураббий қидирмоқда.
“Манчестер Юнайтед” раҳбарияти амалдаги бош мураббий Эрик тен Хаг ўрнига бошқа мутахассис қидиряпти. Нидерландиялик мураббий қўл остида жамоа барқарор ўйин намойиш қила олмаяпти. Шу боис, клуб жамоани бошқа устозга топширмоқчи.
Маълум қилинишича, манчестерликлар жамоани бошқариш таклифи билан "Бавария" бош мураббийи Томас Тухелга мурожаат қилган. Мюнхен суперклуби германиялик мураббий қўл остида Бундеслига чемпионлигини қўлдан чиқарди. Тухелнинг омадсизлиги шундаки, "Бавария" 2013 йилдан бери узлуксиз давом этиб келаётган чемпионликдан айнан унинг даврида айрилди.
