"Ҳозир чемпион бўлишимизга ишонаманми? Йўқ"
Клопп АПЛдаги вазият ҳақида гапирди.
"Ливерпул" бош мураббийи Юрген Клопп жамоасининг жорий Премьер-лигада чемпионликни қўлга киритиш имкониятлари ҳақидаги саволга жавоб берди.
“Айни дамда чемпион бўлишимизга ишонаманми? Йўқ, чунки ҳозирги вазият бунга йўл қўймайди. Лекин, бу муаммоми? Мен бундай деб ўйламайман. Келинг, нима бўлишини кўриб чиқайлик. Қолган жамоалар ким билан ўйнашаётганини билмайман. "Арсенал" ва "Сити" иккита ўйинда мағлуб бўлишлари мумкинми? Мумкин эмас. "Ливерпул" тўртта ўйинда ғалаба қозониши мумкинми? Ҳа, биз буни аввал ҳам қилганмиз, бу ҳам мумкин. Шунинг учун мен ҳеч нарса деёлмайман", - деди Клопп.
Эслатиб ўтамиз, АПЛнинг 34-туридан кейин "Ливерпул" 74 очко жамғариб, пешқадам "Арсенал"дан 3 очко ортда қолиб, учинчи ўринда бормоқда. Мерсисайдликлар ҳам бир ўйини бор “Манчестер Сити”дан икки очко ортда қолмоқда.
