"Мбаппе қанчалик тез эканлигини кўрмоқчиман"
Усейн Болт 100 метрга югуриш бўйича ўзи беллашмоқчи бўлган энг яхши футболчини айтди.
Саккиз карра Олимпия чемпиони ва енгил атлетика бўйича 11 карра жаҳон чемпиони ямайкалик Усейн Болт "ПСЖ" ҳужумчиси Килиан Мбаппега рақиблик қилмоқчи. У бу ҳақда Мадриддаги Laureus World Sports Awards тантанали маросимида айтди.
Журналист: Усейн Болт ҳар қандай футболчига қарши. Қайси бирини танлайсиз?
Болт: Мен Мбаппе қанчалик тез эканлигини кўрмоқчиман.
Журналист: Сизнингча, у сизни мағлуб эта оладими?
Болт: Албатта йўқ. Лекин бу менинг кўрсаткичларимга қанчалик яқин эканлигини кўрмоқчиман. Умид қиламанки, бир кун у трассага тушиб, соатига қараб 100 метрга югуради.
Эслатиб ўтамиз, Болт ўз фаолияти давомида саккиз бор жаҳон рекорди муаллифига айланган. У кетма-кет учта Олимпиадада (Пекин-2008, Лондон-2012 ва Рио-де-Жанейро-2016) 100 ва 200 метрга спринт масофаларини забт этишга муваффақ бўлган ягона спортчидир.
