"Реал" клуби Алфонсо Девис бўйича музокараларни тўхтатди
Жамоа бошқа футболчини сотиб олмоқчи.
Мадриднинг "Реал" клуби ёзги трансфер ойнасида "Бавария" ҳимоячиси Алфонсо Девисни сотиб олмоқчи эмас.
Манбага кўра, "Реал Мадрид" келаси мавсум бошланишидан олдин ҳимоя чизиғини мустаҳкамлаш борасидаги устуворликларини ўзгартирган. Чап қанот ҳимоячиси Алфонсо Девис билан оғзаки келишувга эришганига қарамай, "Лос Бланкос" раҳбарияти "Лилл" марказий ҳимоячиси Лени Ёрони сотиб олишга ўтди.
Эслатиб ўтамиз, жорий мавсумда Девис барча турнирларда 31 та ўйинда қатнашиб, битта гол ва 3 та голли узатмага муаллифлик қилган. Футболчининг клуб билан амалдаги меҳнат шартномаси 2025 йилнинг ёзига қадар мўлжалланган.
