Футболчи Хавининг мураббий Хавидан фарқли томонлари
У «Барселона»да яна қоладиган бўлди.
Футболчи Хави жуда хотиржам эди. Майдонда бирорта ҳам кераксиз ҳаракат қилмаган. Унинг ҳар бир ҳаракати керакли ва ўринли бўлган. У ҳар доим кейинги сонияда майдонда нима бўлишини ва ундан нима талаб қилинишини олдиндан биларди.
Мураббий Хавида ақл билан ишлаш яхши. Аммо унга хотиржамлик ва режалаштириш етишмайди. Январ ойида Хави турли гап-сўзлардан сўнг, мавсум охирида жамоадан кетишини маълум қилганди. Хуллас, бу ҳамма учун яхши бўлади, дейишганди. Орадан бир неча ой ўтди ва Хави клубда қолишини эълон қилди.
«Барселона» учун кейинги мавсумда Хавининг мураббий бўлиши ижобий ҳолат. Умуман олганда, «Барса» Хави билан жуда омадли эди. Биринчидан, у инқирознинг ўта оғир палласида келди. Ҳамма ҳам бунга журъат эта олмайди. У мухлисларнинг сўзсиз қўллаб-қувватлашига сазовор бўлди.
Хави қийин паллада шунчаки «Барса»ни қабул қилишга қарор қилгани йўқ. У «Барселона»ни футболчилик давридаги ҳолатига қайтармади. Аммо, унинг қўл остида жамоа чемпион бўлди ва Суперкубокни қўлга киритди. Унинг қўл остида «Барса» Чемпионлар лигасининг чорак финалига чиқди. Аммо агар Роналд Араухо «ПСЖ»га қарши жавоб ўйинида қизил карточка олмаганиса, бундан ҳам узоқроққа бориш мумкин эди.
Кашфиётга айланган Ламин Ямал, юлдуз Гави, тез фурсатда бу мақомга эга бўлган Фермин Лопес, Рафиня ва Пау Кубарси буларнинг барчаси Хави даврида ажойиб ўйин намойиш этишмоқда. Ҳа, Хави ёшларни ҳар томонлама тарбияламоқда. Аммо бу фақат унинг ютуқларини оширади. Ташқаридан жамоани мустаҳкамлай олмай, ичкарида ресурслар топди. Ва қўл остидагилар билан у жуда муносиб натижаларга эришди.
Хави мослашувчан эканлигини кўрсатди. У "Барселона ДНКси ҳақидаги стереотипларга берилиб кетмади. Хави атрофдагиларнинг ҳаммасини хурсанд қилишга уринмади. У натижага эришиш учун зарур бўлган нарсани қилди. Ва буларнинг барчаси «Барселона»да пул йўқлиги, ички можаролар ва ташқаридаги оммавий ахборот воситаларининг таъсири остида содир бўлди.
Бундай мураббийнинг жамоада қолгани «Барса» учун яхши натижа. Клубнинг ҳозирги имкониятларидан келиб чиқиб, Хавидан анча кучлироқ, катта кафолатлар билан натижа берадиган мураббийни топиш жуда қийин бўларди.
Бироқ, шубҳалар энди унинг ёдида қолади. Бу ҳар сафар «Барселона» муваффақиятсизликка учраганда содир бўлади. Ҳар бир мағлубиятдан сўнг, ҳар бир омадсиз ўйиндан сўнг мухлисларда ҳам, балки, клуб раҳбарларида ҳам бу фикр айланади. У аллақачон жиддий босим остида ишлаётган эди. Энди эса бундан ҳам кўпроқ босим бўлади. Хави эса буни ўзи учун тартибга солди. «Барса» раҳбарларидан ҳушёрликни талаб қилиш бефойда. Жоан Лапорта ва унинг бошқарув жамоаси узоқ вақтдан буён ҳисоб-китоб уларнинг иши эмаслигини кўрсатди. Лапорта ҳар доим импульсив бўлиб келган ва ҳозирги инқироз шароитида у баъзида очиқчасига жиддий қарорлар қабул қилади.
Хави ҳали ҳам футболда ўзининг шахсини билдириб турибди. У яхши мураббий. Ҳозирги «Барселона» учун бу жуда яхши. Аммо унга тинчлик йўқ. У ўйин пайтида асабий ҳолатга тушади, ҳакамларга бақиради, ўйинлардан тез-тез четлатилади. У бир муддат қатъий тарзда истеъфога чиқишини эълон қилди, шундан сўнг тўсатдан ўз фикрини ўзгартирди. Кўриниб турибдики, мураббий Хави учун руҳий беқарорлик асосий муаммо.
Ҳозирги «Барса»да ҳеч бўлмаганда қандайдир барқарорликни топиш қийинлиги аниқ. Бу эса, эҳтимол, Хави билан боғлиқ асосий интригадир. У футболчи сифатида катта шахсиятга эга эди. Энди у яна катта шахсга айланиши керак - лекин мураббий сифатида. Фақат шу йўл билан у муваффақиятга эришади.
