Боксчи Муҳаммад Алининг уйи сотувга қўйилди
Унга 13,5 миллион доллар бошланғич нарх белгиланган.
Афсонавий боксчи Муҳаммад Алининг уйи АҚШда кимошди савдосига қўйилди. Кўчмас мулк Лос-Анжелеснинг машҳур Ханкок Парк маҳалласида жойлашган.
Боксчи 1979 йилдан 1984 йилгача яшаган ушбу уй архитектор Жон Остин томонидан қурилган. У деярли минг квадрат метрни эгаллайди ва 60 гектар майдонда жойлашган. Ичкарида итальян мармар, витрай ва француз биллурлари мавжуд.
Маълумотларга кўра, боксчининг уйига Голливуд юлдузлари ва ҳатто АҚШнинг собиқ президенти Барак Обама ҳам ташриф буюрган.
Уйни сотиш бўйича онлайн савдолар 26 апрелда бошланган ва 15 майда якунланади. Бошланғич нархи 13,5 миллион долларни ташкил этади.
