Ди Мариянинг олдидаги танлов, иккиланаётган Салоҳ ва АҚШга жўнаб кетаётган "Реал"нинг сардори
Ҳафтанинг трансфер миш-мишлари.
Яна бир ҳафта ортда қолди, бу вақт ичида турли трансферлар ҳақиқда маълумотлар пайдо бўлди. Мессининг жамоасига яна бир жаҳон чемпиони келиб қўшиладими? Бернарду Силва Германияга кетадими? "Арсенал" янги ҳужумчи топдими? Қуйида сўнгги кунларнинг асосий миш-мишлари ҳақида маълумотларга эга бўлишингиз мумкин.
"Челси" Лукакуни Осимҳен шартномасига қўшмоқчи
Афтидан, Виктор Осимҳеннинг "Наполи"ни тарк этиш эҳтимоли юқори. Аввалроқ, нигериялик футболчининг номи "Арсенал" ва "ПСЖ"га ўтиши мумкинлиги сабабли матбуотда пайдо бўлганди. Аммо энди "Челси" ажойиб таклиф билан чиқди. Биринчидан, Лондон клуби 90 миллион евро тўлашга тайёр, иккинчидан, у шартнома ҳозирда "Рома"да ижара асосида ўйнаётган ҳужумчи Ромелу Лукакуни ҳам ўз ичига олади. Учинчидан, "Челси" яна бир ёш футболчини таклиф қилади. 29 та учрашув, 16 та гол, 4 та голли узатма -- бу Осимҳеннинг жорий мавсумдаги статистикаси. Лукаку ўз навбатида 43 учрашувда гол+пас тизимидан фойдаланган ҳолда 23 (19+4) очко жамғарди.
Ди Мария Мессининг жамоадошига айланадими?
Лионел Месси МЛСни ёндирмоқда, эҳтимол "Интер Маями"да тез орада яна бир жаҳон чемпиони пайдо бўлиши мумкин. Нуфузли инсайдер Фабрицио Романонинг таъкидлашича, Анхел Ди Мария Америка клубига ўтиш вариантини кўриб чиқмоқда. Аргентиналик футболчи ҳозирда "Бенфика"да тўп суради, бироқ унинг шартномаси келаси ёзда тугайди. Тўғри, Португалия клубида уни яна бир мавсумга узайтириш имконияти бор. "Интер Маями" футболчининг шартнома ҳолати ҳақида маълумот сўраган, бироқ ҳозирча расмий таклиф билан чиқмаган. 36 ёшли Ди Мария жорий мавсумда 46 та ўйинда майдонга тушиб, 16 та гол урди ва 15 та голли узатмани амалга оширди.
Салоҳ "Ливерпул"да қоладими?
"Атлетик" инсайдери Девид Орнштейн хабар беради: "Ливерпул" Муҳаммад Салоҳ ёзги трансфер ойнасида жамоани тарк этиши хоҳламаяпти. Мисрлик футболчи кетиш истаги борлигини ва аммо клуб уни сақлаб қолиши ҳақида айтмаганини таъкидлаган. Саудия клубларининг қизиқишлари ҳақида вақти-вақти билан маълумотлар пайдо бўлмоқда, бироқ Салоҳ ўзи яхши ҳис қиладиган Англияни тарк этишга ҳали тайёр эмасдек. Салоҳ барча мусобақаларда 41 та ўйинда 24 та гол урди ва 13 та голли узатмани амалга оширди.
Бернарду Силва "Бавария"га қизиқмоқда
Бернарду Силвага Европанинг яна бир топ-клуби қизиқмоқда. 29 ёшли футболчи "Барселона" вакиллари томонидан диққат билан кузатилаётгани аввалроқ хабар қилинганди. Тўғри, Каталония клубида молиявий қийинчиликлар бор, шунинг учун бу келишувни тасаввур қилиш қийин. Хабарларга кўра, Бернардога даъвогарлар орасида "Бавария" ҳам бор. У футболчининг трансферини муҳокама қилиш учун жамоанинг вакиллари билан боғланган. "Бавария" янги лойиҳа яратишни бошламоқчи, бунинг учун пул сарфлашга тайёр. Жамоа португалияликни сотиб олиш вариантини кўриб чиқмоқда ва унга муносиб шартнома таклиф қилишни режалаштирмоқда. Жорий мавсумда Бернардо 45 учрашувда гол+пас тизимидан фойдаланган ҳолда 17 (11+6) очко жамғарди.
"Арсенал" "Нюкасл" юлдузини сотиб олмоқчи
"Арсенал" бош мураббийи Микел Артета яна бир ҳужумчига муҳтож. Лондон клубининг мақсадларидан бири Александр Исак. Бироқ "Нюкасл" ўз юлдузини сотишдан қатъиян рад этмоқда ва шведга янги шартнома таклиф қилишга тайёр. 24 ёшли Исак жорий мавсумда 24 та гол урди ва жами 37 та ўйинда майдонга тушди.
"Реал Мадрид" сардори АҚШга жўнаб кетади
"Реал" ҳимоячиси Начо Фернандес МЛСга кетишга қарор қилди, дея хабар беради "Марса". Испания клуби сардори "Бавария" билан Чемпионлар лигасининг биринчи ярим финал учрашувидан (2:2) сўнг ниҳоят ўз танловини тасдиқлади. АҚШга кўчиб ўтиш учун испаниялик футболчи янада фойдали таклифларни рад этди. Жорий мавсумда 34 ёшли футболчи барча мусобақаларда 39 та ўйин ўтказиб, битта голли узатмани амалга оширди.
"Барселона" 19 ёшли бразилияликни ижарага бермоқчи
Ҳужумчи Витор Роке 2024 йил бошидан буён "Барселона" сафида тўп сурмоқда. Каталония клуби унинг трансфери учун 40 миллион евро тўлаган, бироқ ҳозирча бразилиялик янги клуби сафида атиги 310 дақиқа ўйнаган. "Тhe Atletic" хабарига кўра, "Барса" 19 ёшли футболчини Ла Лига клубларидан бирига ижарага бермоқчи. Клуб раҳбарларининг фикрича, бу Рокега чемпионатнинг ўйин услубига кўникиши ва тилини яхшилаш имконини беради. Бироқ, маълум бўлишича, Рокенинг ўзи ижара вариантини кўриб чиқмаяпти, чунки у янги мавсумда "Барса"да ўйнашни хоҳламоқда.
