"Сабр қилишлари керак"
Карвахал ёшларга маслаҳатлар берди.
"Реал Мадрид"нинг 32 ёшли ўнг қанот ҳимоячиси Даниел Карвахал Мадридда муваффақият қозониш учун ёш футболчига нима кераклиги ҳақидаги саволга жавоб берди.
“Мадридда муваффақиятга эришиш учун футболчига нима керак? Бир неча йил олдин мен ҳам улардан бири эдим, лекин ҳозир ёшлар яхши тайёргарлик билан келишади. Улар қаердалигини билишади. Мен улардан сабр қилишларини сўрардим", - деди Карвахал.
Ҳимоячи Даниел Карвахал "Реал Мадрид" тарбияланувчиси ҳисобланади, у 2013 йилда "Байер"да тўлиқ мавсумни ўтказгандан сўнг "Лос Блансос"нинг асосий жамоасига қўшилган. Жорий мавсумда у клуб сафида барча турнирларда 37 та ўйинда майдонга тушиб, 5 та гол ва 5 та голли узатмага муаллифлик қилган.
