Ўтган мавсум барчани ҳайратга солган фактлар
Кучли бешлик чемпионатлари расман ўз ниҳоясига етди.
А cерийада қолдирилган «Аталанта» ва «Фиорентина» ўртасидаги ўйин ўтказилиши керак, умуман олганда, Европада чемпионат тугади. Қизиғи шундаки, Англия, Испания ва Германия чемпионатларида энг яхши бўлган жамоалар чемпионликни қўлга кирита олмади. Бу лигаларда жамоаларнинг кўрсаткичларига қарасангиз «Арсенал», «Барселона» ва «Бавария» етакчилик қилганига гувоҳ бўлишингиз мумкин. Бу мавсумдаги статистик маълумотларга асосланган яна еттита қизиқарли факт мавжуд. Қуйида бу ҳақда батафсил маълумотга эга бўлишингиз мумкин.
«Боҳум» футболчиси топ 5 лигада асосий паслар бўйича энг яхши футболчига айланди. Гап ярим ҳимоячи Кевин Стёгер ҳақида кетмоқда. У мавсум давомида 127 та пас берди - бу энг яхши кўрсаткич ва у Германиянинг 16-жамоаси футболчиси эди. Иккинчи ўринда "Манчестер Юнайтед" ярим ҳимоячиси Бруно Фернандеш (114 та асосий пас), учинчи ўринда «Брайтон» ярим ҳимоячиси Паскал Грос (103 та асосий пас). Агар Стёгер 30 ёшдан кичик бўлганида, бундай мавсумдан сўнг унга клублар қизиқиши ортиб кетарди.
Тибо Куртуа сейфлар сони бўйича Ла Лиганинг энг яхши 10 дарвозабони қаторига киради. У бу чемпионатда бор йўғи тўртта ўйин ўтказди. Битта дарвозабон ҳақида шундай икки факт мавжудлигини тасаввур қилиш қийин, аммо бу ҳақиқат. Бельгиялик футболчи жароҳати туфайли деярли бутун Испания чемпионатини ўтказиб юборди ва энг охирида бор-йўғи 333 дақиқа майдонда ўйнади. Боз устига, охирги турда Куртуа ҳам 63-дақиқада алмаштирилди. Ажратилган вақт ичида дарвозабон бирорта ҳам тўп ўтказиб юбормади ва 3,1 голни сақлаб қолди. Тўғри, жамоада энг яхшиси Андрей Лунин бўлиб қолди, у ўз сейвлари билан жамоасини 21 учрашувда 4,2 голдан қутқариб қолди.
«Челси» ҳужумчиси Николас Жексон 10 та сариқ карточка олди, улардан 9 таси турли хатти-ҳаракатлари учун. Сенегаллик ёш футболчи Премьер-лигадаги илк мавсумини ўтказди ва унга жамоага мослашиш учун вақт керак эди. Дастлабки турларда ҳужумчи спортга хос бўлмаган хатти-ҳаракатлари учун бешта сариқ карточка олди ва кейинчалик дисквалификация қилинди. Сентябрь ойидаёқ «Челси» бош мураббийи Почеттино Жексон билан сариқлар ҳақида гаплашгани ҳақида маълумотлар пайдо бўлди. 24-турда форвард «Палас»га қарши ўйинда захира ўриндиғида гол нишонлаб, аҳмоқона сариқ карточка олди. Бу огоҳлантириш у учун тўққизинчиси бўлди ва 33-тур олдидан икки ўйинга дисквалификация қилинишига сабаб бўлди. Жексон шундан сўнг ҳам тўхтаб қолмади ва 10-сариқ карточкасини 37-турда олди.
"Реал Мадрид" ярим ҳимоячиси Арда Гуллер олти марта зарба берди ва олтита гол урди. Дебют мавсумида туркиялик футболчи камдан-кам майдонга тушди - у чемпионатнинг атиги 10 ўйинида қатнашди (373 дақиқа ўйнади), шу сабабли унда жуда кам имконият бўлди.
«Гранада» ярим ҳимоячиси Жерар Гумбау дарвоза томон 45 та зарба йўллади, аммо бирорта ҳам гол ура олмади. Бу олий лигалардаги энг ёмон кўрсаткичдир. Шунингдек, А Cерийанинг жорий мавсумида 71 марта зарба берган, бироқ бор-йўғи бир марта – 31-турда «Торино» билан ўйинда гол урган «Эмполи» ҳужумчиси Николо Камбиагини ҳам алоҳида таъкидлаб ўтиш жоиз. Ўша ерда ҳам дарвозабон зарбани қайтаришга сал қолди.
Миранчук А церийада, 90 дақиқа дарвозага зарба бериш бўйича энг яхши футболчисига айланди. А Cерийанинг ушбу мавсумида Алексей «Аталанта» сафида 1142 дақиқа ўйнади ва дарвоза томон 21 марта (жами 35 та) зарба йўллади. Бу 54 дақиқада нишонга ўртача битта зарба ёки 90 дақиқада 1,65 зарба дегани. Россиялик футболчи бу кўрсаткич бўйича «Наполи» ҳужумчиси Осимжендан бир оз юқори ўринни қайд этди. У 90 дақиқада ўртача 1,63 марта дарвозага зарба берди. Учинчи ўринни Миранчукнинг жамоадоши, ҳужумчи Скамакка (1,59 зарба) эгаллади. Аммо, бу ерда статистика Фиорентина билан ўйиндан кейин ҳам ўзгариши мумкин.
