Диёра Келдиёрова олимпиада финалига чиқди
У камида кумуш медални нақд қилди.
Дзюдочи Диёра Келдиёрова ярим финалда Франциялик Амандин Бюшардни мағлуб этиб, олимпиада финалига йўл олди.
Ўзбекистонлик спортчи ярим финалда мезбонларнинг биринчи рақамли спортчиси, Олимпия ўйинларининг олтин ва кумуш медаллари соҳиби Амандин Бушарни мағлубиятга учратишга муваффақ бўлган.
Шу тариқа, Келдиёрова камида кумуш медални нақд қилди.
Эслатиб ўтамиз, Диёра Келдиёрова нимчорак финалда бир карра олимпиада ва 4 карра жаҳон чемпиони япониялик Ута Абэни мағлуб қилган эди.
