Бобур Омонов икки карра Паралимпия ўйинлари чемпиони бўлди
Шу тариқа олтин медаллар сони 6 тага етди.
Пара енгил атлетика бўйича эркаклар ўртасида Ф41 классида ядро улоқтириш дастурида қатнашган ҳамюртимиз Бобур Омонов 14.32 метр натижа қайд этиб, олтин медални қўлга киритди. Вакилимиз ушбу натижаси орқали ўзи томонидан 2021 йил Токиода ўрнатилган Паралимпия ўйинлари рекордини ҳам янгилади.
Маълумот учун: Бобур Омонов бундан аввал Токио-2020 ёзги Паралимпия ўйинларида ҳам чемпионликни қўлга киритган.
