Путин Мўғулистонга борди
Украина ТИВ унинг қўлга олинмаганини қоралади.
Россия президенти Владимир Путин расмий ташриф билан Мўғулистонга борди. Бу унинг Рим статутини имзолаган ва Халқаро жиноий суд (ХЖС) юрисдикциясини қабул қилган давлатга биринчи сафари. Суд Путинни Украинага бостириб киргани учун ҳарбий жиноятларда гумонлаб ҳибсга олишга ордер берганди.
Путиннинг самолёти душанба куни кечқурун Мўғулистон пойтахти Улан-Баторга қўнди. Россия етакчиси Мўғулистонга мамлакат президенти Ухнаагиин Хурелсухнинг таклифига биноан ташриф буюрмоқда.
Путин Улан-Баторга келганидан кўп ўтмай, Украина Ташқи ишлар вазирлиги матбуот котиби Георгий Тихи Мўғулистон расмийларининг Россия президентини ХЖC ордери асосида ҳибсга олмаганини қоралади.
“Мўғулистон ҳукуматининг Путинни ҳибсга олиш тўғрисидаги мажбурий қарорни бажармагани Халқаро жиноий суд ва халқаро жиноий ҳуқуқ тизимига оғир зарба бўлди”, — дейилади Украина ТИВ вакилининг баёнотида
