Эрон Исроилга қасос зарбаси берилганини эълон қилди
Ислом инқилоби қўриқчилари корпуси Исроилни жавоб зарбасини беришдан тийилишга чақирди.
Эроннинг Ислом инқилоби қўриқчилари корпуси (ИИҚК) Исроилга қасос зарбаси берилганини эълон қилди.
Жумладан, ҲАМАС етакчиси Исмоил Ҳония, "Ҳизбуллоҳ" етакчиси Ҳасан Насруллоҳ ва "Қудс" кучлари қўмондони Аббос Нилфорушан ўлдирилганига жавобан Исроил ҳудудига ракета зарбаси берилгани маълум қилинди.
Шу билан бирга ИИҚК Исроилни жавоб зарбасини беришдан тийилишга чақирди.
"Агар Исроил жавоб берса, биз уларга минг марта қаттиқроқ зарба берамиз", — дейилади баёнотда.
1 октябр куни кечқурун Эрон Исроил ҳудудига юзлаб ракеталарни учирди. Исроил Мудофаа кучлари ҳаво ҳужумига қарши тизим ишга туширилганини эълон қилди.
