Испанияда бананлар ортилган контейнердан 13 тонна кокаин топилди
Бу мамлакат тарихида мусодара қилинган энг катта партиядир.
"Алхесирас портида ичида 13 тонна 62 килограмм кокаин ортилган контейнер аниқланди. Бу ҳозирга қадар Испания ҳудудида қўлга киритилган рекорд даражадаги гиёҳвандлик воситаси", — хабар берди El Mundo.
Таъкидланича, бу Европа ҳудудида аниқланган энг йирик иккинчи партиядир. Гиёҳвандлик воситалари Эквадордан келган, бананлар ортилган контейнер ичига яширилган. Юк Аликанте провинциясидаги компанияга етказилиши керак бўлган. Ушбу компания бир неча йил давомида Жанубий Америка мамлакатидан катта миқдорда меваларни қабул қилиб келган, аммо кейинроқ ўз фаолияти тўхтатган.
Полиция маълумотларига кўра, тинтув вақтида бир нафар гумонланувчи қўлга олинган, импорт билан шуғулланган компаниянинг икки менежери эса қидирувга берилган.
