Исроил Ливан билан урушни тугатганини эълон қилди
Исроил 60 кун ичида Ливандан қўшинларини олиб чиқиб кетиши керак. Нетаньяҳу келишув муваффақиятсизликка учраса, қаттиқ чоралар кўришни ваъда қилмоқда.
Исроил ва Ливаннинг "Ҳизбуллоҳ" ҳаракати Ливанда ўт очишни тўхтатиш бўйича келишувга эришди. Бу ҳақида АҚШ президенти Жо Байден маълум қилди.
Америка етакчисига кўра, Исроил ва "Ҳизбуллоҳ" ўртасидаги сулҳ битими 27 ноябр куни маҳаллий вақт билан соат 04:00 да Исроил ва Ливанда кучга киради. Шартнома шартларига кўра, Исроил мудофаа кучлари (ЦАҲАЛ) бўлинмалари келаси 60 кун ичида Ливан ҳудудини тарк этади.
Вашингтон ва Париж "ўт очишни тўхтатиш келишуви тўлиқ бажарилишини" таъминлашга ҳаракат қилади, деб таъкидлади Reuters Франция ва АҚШ президентларининг қўшма баёнотига таяниб.
Аввалроқ CNN Исроил расмийларига таяниб, Нетаньяҳу сулҳ битимининг асосий тамойилларини маъқуллагани ҳақида хабар берган эди. Оммавий ахборот воситалари бу 60 кунлик сулҳни, шунингдек, Ливан жанубида Исроил томонидан яратилган буфер зонани йўқ қилишни ўз ичига олганини ёзганди.
