Маркус Рашфорд “Манчестер Юнайтед”дан кетади
У ҳозирда ўзига янги жамоа изламоқда.
2024 йил 1 декабрь. Рубен Аморимнинг Премьер-лигадаги илк уй учрашуви. "Манчестер Юнайтед" «Эвертон»ни 4:0 ҳисобида мағлуб этди, Маркус Решфорд эса ўйинда дубл қайд этди. Ўшанда ҳужумчида янги мураббий қўл остида ўйнаш учун барча имкониятлар бордек туюларди. Бир неча ҳафта ўтгач, бу ўзини оқламади. Форвард тез орада Манчестерни тарк этади. Эҳтимол, келаётган қишки трансфер ойнасида жамоасини ўзгартириши мумкин.
Ҳамма нарса бирдан содир бўлди. Ўтган дам олиш кунлари дерби бўлди - "Манчестер Юнайтед" тўсатдан «Сити»ни мағлуб этди. Ўйиндан бир соат олдин Рашфорд ҳам, Гарначо ҳам таркибда йўқлиги малум бўлди. Гарчи уларда жароҳат ёки дисквалификация бўлмасада. Икки қанот ҳужумчиси йўқлиги ҳақидаги саволга бош мураббий ноаниқ жавоб берди.
"Албатта, вазият оғир, чунки биз ўйинларда ғалаба қозонишимиз керак, ҳозир эса қийин даврдамиз. Мен ҳамма нарсага эътибор бераман: қандай овқатланасиз, ўйинга борганингизда қандай кийинасиз. Мен вазиятни баҳолайман ва қарор қабул қиламан. Биз улар билан сўнгги машғулотдан сўнг суҳбатлашдик. Улар бугун эрталаб машқ қилишди, мен ҳам ўша ерда эдим. Футболчилар жуда яхши машқ қилишди."
Бундан сўнг қандай хулосалар чиқариш мумкинлиги аниқ эмас. Футболчилар нотўғри овқатланганми ёки нотўғри кийинганми? Бу ерда тартиб-интизом билан боғлиқ муаммоларнинг яширин ишорасини кўриш мумкин. Бироқ, Аморимнинг ўйиндан кейинги изоҳи янада чалкаш бўлди.
“Клубдаги одамлар ишсиз қолганда, биз жуда юқори талабларни белгилашимиз керак. Рашфорд ва Гарначо ҳам бошқалар каби яхши машғулот ўтказса, келаси ҳафтадан ўйинларга тушиши мумкин. Талаблар барча футболчилар учун бир хил. Бу интизомий масала эмас”.
"Манчестер Юнайтед" ҳужумчиси яқинда янги чақирувга тайёр эканлигини очиқча айтди. "Тҳе Гуардиан" нашрининг берган маълумотига кўра, "Манчестер Юнайтед" Рашфордни сотмоқчи. Лекин янги жамоа топиш осон бўлмайди. "Скй Спортс" хабарига кўра, ҳужумчига ҳеч бир топ-клуб қизиқиш билдирмаяпти. Қолаверса, унинг "Манчестер Юнайтед" билан шартномаси 2028 йилгача мўлжалланган. Трансфер учун яна бир муаммо футболчининг маоши бўлиши мумкин. "Тҳе Гуардиан" маълумотларига кўра, унинг маоши ҳафтасига 365 минг фунт стерлингни ташкил қилади. У Премьер-лигада маош бўйича бешинчи ўринни эгаллайди.
Решфорд "Манчестер Юнайтед"га етти ёшида қўшилган. Ҳужумчи аввалига 2020 йилгача, кейин 2023 йилгача, кейин эса 2028 йилгача жамоа билан шартнома имзолади. 2023 йил бошида (2022 йилги Жаҳон чемпионатидан сўнг дарҳол) Решфорд анча порлаганди. Ўша мавсум чемпионатда у 15 учрашувда 13+4 очко тўплади. Бу даврда Решфорд Ҳоланд, Осимҳен ва Мбаппедан кўпроқ гол уради. 2023 йилнинг ёзида эса у Манчестер жамоаси билан беш йиллик шартнома имзолайди. Ўшанда Рашфорд клуб ичун муҳим футболчи ҳисобланарди.
Рашфорд хайрия ишлари билан шуғулланган. Аввалига у уйсизларга зарурий нарсаларни шахсан тарқатган. Кейин пандемия пайтида у мактаб ўқувчиларига бепул тушлик учун 20 миллион фунт стерлинг йиғишга ёрдам берди. Ташаббус дастлаб Буюк Манчестерни қамраб олишга мўлжалланган эди ва кейинчалик бутун мамлакатга тарқалди. Рашфорд бу билан тўхтаб қолмади ва тегишли ташкилотни болалар қашшоқлиги билан курашишга чақириб, очиқ хат ёзди. Эртаси куни ҳукумат мактаб таътилида кам таъминланган болали оилаларга ёрдам бериш дастурини узайтирди. "Тҳе Гуардиан" буни "сиёсий маҳорат дарси" деб атаган.
Рашфорд Британия Империяси ордени (МБE) аъзоси бўлди ва болалар қашшоқлигини тугатиш бўйича қилган ишлари учун "Манчестер Сити" мукофоти ва маҳаллий университетдан докторлик унвонини олади. Футболчи бошқа йўналишлар билан шуғуллана бошлайди.
Майдондаги ажойиб натижалар 2023 йил бошида сақланиб қолди. Аммо ҳозирги кунда унинг натижаларига ҳавас қилиб бўлмайди. Шу сабабдан айни вақтда Рашфорд ўзига янги жамоа излашига тўғри келмоқда
