Тезлик учун жарима тартиби ўзгариши мумкин

 

Ўзбекистон Республикаси Маъмурий жавобгарлик тўғрисидаги кодексга ўзгартириш киритиш бўйича қонун лойиҳаси Қонунчилик палатасига тақдим этилди. Ушбу ташаббус Вазирлар Маҳкамаси томонидан илгари сурилган бўлиб, қонун лойиҳаси қабул қилинса, тезликни ошириш билан боғлиқ жарима тизими ўзгаради.

 

Янги қонун лойиҳасига кўра, радар ва автомобиль спидометри кўрсаткичларидаги эҳтимолий хатоларни ҳисобга олган ҳолда, жарима белгиланган тезликдан 10 км/соат чегириб ҳисобланади.

 

Ҳозирги амалиётда эса бу фарқ 5 км/соат билан чекланади. Масалан, агар йўлда 60 км/соат тезлик белгиланган бўлса, ҳайдовчи 69 км/соат тезлик билан ҳаракатланса, унга 64 км/соат (5 км/соат чегирма билан) учун жарима қўлланилади. Янги қонун қабул қилинса, бу чегирма 10 км/соат бўлади ва жарима 59 км/соат ёки ундан юқори тезликда белгиланган тартибда қўлланади.

 

Мазкур ўзгариш йўл ҳаракати қоидаларини янада адолатли қилиш, радар ва спидометр ўлчовларининг аниқ бўлмаганлиги сабабли ҳайдовчиларга асоссиз жарима солиш ҳолатларини олдини олиш мақсадида таклиф этилган.

 

Расмийлар ушбу қонун ҳайдовчиларнинг ҳуқуқларини ҳимоя қилиш ва жарима тизимининг аниқ ва шаффоф бўлишини таъминлашга хизмат қилишини таъкидламоқда.