Жалолов Остонада украиналик рақибига қарши рингга чиқади
Жанг Жалолов учун Париж Олимпиадасидан сўнгги илк профессионал чиқиш ҳисобланади.
5 апрель куни Қозоғистон пойтахти Остона шаҳрида профессионал бокс кечаси бўлиб ўтади. Унда ўзбекистонлик икки боксчи ҳам иштирок этади.
Марказий жангда Олимпиада ва икки карра жаҳон чемпиони Баҳодир Жалолов украиналик Игор Шевадзускийга қарши рингга чиқади. Супероғир вазндаги 10 раундлик жанг Тошкент вақти билан соат 20:00да бошланиши режалаштирилган.
Бу жанг Жалолов учун Париж Олимпиадасидан сўнгги илк профессионал чиқиш ҳисобланади. У рақибини нокаутга учратиб, рейтингини яхшилаш ниятида. Шунингдек, кечада Отабек Холматов филиппинлик Жейсон Канога қарши жанг қилади.
