“Ливерпул” муддатдан аввал АПЛ чемпионлигини қўлга киритди
Жамоа “Тоттенхем”ни 5:1 ҳисобида мағлубиятга учратди.
Англия Премьер Лигаси 34-туридан ўрин олган учрашувда “Ливерпул” ўз майдонида “Тоттенхем”ни 5:1 ҳисобида мағлубиятга учратди ва шу тариқа муддаттан аввал Англия чемпионлигини қўлга киритди.
Ушбу муваффақиятга “Ливерпул”нинг бош мураббийи Арне Слот бошчилигида эришилди. Слотнинг жамоага келганидан сўнг, бу унинг биринчи мавсуми бўлиб, у дарҳол жамоасини олтин медалларга сазовор этди. Мавсум давомида жамоанинг ажойиб ўйинини кўрсатган Слотнинг бу ютуғи катта эътирофга сазовор бўлмоқда.
Аввалига, “Ливерпул”ни 9 йил бошқарган Юрген Клопп фақат бир марта, 2019/20 йилги мавсумда жамоани Англия чемпиони қилганди. Шу билан бирга, бу муваффақият Арне Слотнинг клубга қўшилган илк мавсумда эришган ажойиб натижаси сифатида тарихга киради.
