Конор Макгрегор UFC'га қайтиши мумкин
У 2021 йилдан буён жангларда иштирок этмаётган эди.
UFC'нинг собиқ чемпиони, ирландиялик жангчи Конор Макгрегор узоқ танаффусдан сўнг октагонга қайтишга тайёр. Бу ҳақда спортчининг вакили TASS агентлигига берган баёнотида маълум қилган.
Макгрегор аввалроқ ижтимоий тармоқларда UFC президенти Дана Уайтни ўзаро музокараларни давом эттиришга чақириб, профессионал фаолиятини давом эттириш истагини билдирган эди. "Конор йил охиригача сафга қайтишга тайёр. Ҳаммаси таклиф ва имкониятларга боғлиқ", — дея таъкидлади жангчининг расмий вакили.
Эслатиб ўтамиз, Конор Макгрегор 2021 йилдан буён UFC жангларида иштирок этмаяпти. У фаолияти давомида 22 та ғалаба ва 6 та мағлубият қайд этган. Сўнгги йилларда у асосан бизнес лойиҳалари ва реклама фаолиятига эътибор қаратиб келаётган эди.
Макгрегорнинг октагонга қайтиши UFC мухлислари орасида катта қизиқиш уйғотмоқда — бу унинг рингга қайтишини узоқ йиллардан бери интиқлик билан кутаётганлар учун кутилган воқеа бўлиши мумкин.
