АҚШ хоккей бўйича жаҳон чемпиони бўлди
Бу америкаликлар учун сўнгги 65 йилдаги илк чемпионликдир.
Швеция ва Данияда бўлиб ўтган хоккей бўйича жаҳон чемпионати ўз якунига етди. Финалда АҚШ терма жамоаси Шветсарияни over time'да урилган ягона гол эвазига 1:0 ҳисобида мағлуб этиб, тарихда учинчи марта жаҳон чемпионлигини қўлга киритди.
Америкаликлар учун бу сўнгги 65 йилдаги илк чемпионликдир. Улар бундан аввал 1960 йилда ғолиб бўлишган эди. Шветсария эса кетма-кет иккинчи бор финалда мағлубиятга учради ва жаҳон чемпионлиги орзусига яна эриша олмади.
Бронза медали учун кечган баҳсда Швеция кучли ўйин кўрсатиб, Данияни 6:2 ҳисобида енгди. Шу тариқа мусобақа якунида АҚШ олтин, Шветсария кумуш, Швеция эса бронза медалига сазовор бўлди.
