Роналду яна энг яхши тўпурар бўлди
Саудия Про-лигаси “Олтин бутса”си яна унинг қўлида.
“Ал Насср” сардори Криштиану Роналду 2024/25 йилги мавсумда Саудия Арабистони Про-лигасининг энг яхши тўпурари – яъни “Олтин бутса” соҳиби бўлди. Бу португалиялик юлдуз учун кетма-кет иккинчи мавсумда ушбу унвонни қўлга киритиш бўлди.
Жорий мавсумда Роналду лигада 25 та гол уриб, Иван Тони ва Карим Бензема каби рақибларини ортда қолдирди. У шу тариқа Қироллик чемпионатида яна тўпурарлик пойгасида етакчилик қилди.
Эътиборлиси, 12 ой аввал – 2023/24 йилги мавсумда Роналду 31 ўйинда 35 та гол урган ҳолда Про-лига тарихидаги бир мавсумда энг кўп гол урган футболчига айланганди. Бу йилги кўрсаткичи ундан бироз паст бўлсада, барибир етарли бўлди.
Унинг фаолияти давомида қўлга киритган “Олтин бутса”лари:
2008 — Англия Премер-лигаси
2011, 2014, 2015 — La Liga (Пичичи кубоги)
2021 — A Seriya (Капоканонер)
2024, 2025 — Саудия Про-лигаси
Шунингдек, Роналду 7 мартаUEFA мусобақалари ғолиби, Evro-2020 Олтин бутса соҳиби ҳамдир.
