Бугун Ўзбекистонда иссиқ ҳаво давом этади
Республиканинг айрим ҳудудларида ҳарорат 42 даражагача кўтарилиши мумкин.
"Ўзгидромет" Ўзбекистонда 1 июль куни кутилаётган об-ҳаво маълумотини эълон қилди. Қайд этилишича, бугун Ўзбекистонда ҳаво бироз булутли бўлиб, ёғингарчилик кутилмайди. Баъзи ҳудудларда шамол кучайиб, чанг-тўзонлар кузатилиши мумкин. Ҳарорат аксар вилоятларда 36-42 даража атрофида бўлади.
Жумладан:
Тошкентда ҳаво бироз булутли бўлади, ёғингарчилик бўлмайди. Шамол шарқдан 3-8 м/с тезликда эсади. Кечаси 21-23 даража, кундузи 36-38 даража иссиқ бўлади.
Қорақалпоғистон Республикаси ва Хоразм вилоятида ҳаво ўзгариб туради, ёғингарчилик бўлмайди. Айрим жойларда шамол 13-18 м/с гача кучайиб, чанг-тўзонлар билан кузатилади. Кечаси 20-25 даража, кундузи 36-41 даража иссиқ бўлади.
Бухоро ва Навоий вилоятларида ҳаво бироз булутли бўлади. Кечаси 20-25 даража, кундузи 36-41 даража иссиқ бўлади. Шамол шарқдан эсади.
Тошкент, Самарқанд, Жиззах ва Сирдарё вилоятларида ҳаво бироз булутли, ёғингарчилик бўлмайди. Шамол 7-12 м/с тезликда эсади. Ҳарорат кечаси 20-25 даража, кундузи 34-39 даража атрофида бўлади.
Қашқадарё ва Сурхондарё вилоятларида ҳаво бироз булутли бўлади, ёғингарчилик кутилмайди. Кечаси 22-27 даража, кундузи 37-42 даража иссиқ бўлади.
Андижон, Наманган ва Фарғона вилоятларида ҳаво бироз булутли, баъзи жойларда ўзгариб туради. Кечаси 20-25 даража, кундузи 32-37 даража иссиқ бўлади.
Республиканинг тоғ олди ва тоғли ҳудудларида ҳаво бироз булутли, айрим жойларда ўзгарувчан бўлади, ёғингарчилик кутилмайди. Шамол баъзида 13-18 м/с гача кучайиши мумкин. Кечаси 12-17 даража, кундузи 25-30 даража иссиқ бўлади.
