Наманганда қалбаки валюта савдоси фош этилди
Жиноятчи 8 минг қалбаки долларни харидорга берган пайтда ушланган.
Наманган вилоятида қалбаки АҚШ долларларини сотган шахслар қўлга олинди. “Косонсой туман йўллардан фойдаланиш” унитар корхонаси ишчиси 20 минг АҚШ долларини гўёки асл пулга айлантириб, 14 минг долларга сотмоқчи бўлган.
Тезкор тадбир давомида у 8 минг қалбаки долларни харидорга берган пайтда ушланган. Сўнгги тергов давомида аниқланишича, бу пулларни у 1985 йилда туғилган Косонсойлик шахсдан олган, ундан эса 1992 йилда туғилган яна бир фуқаро олган.
Жиноятчиларга нисбатан Жиноят кодексининг 176-моддаси 3-қисми "а" банди асосида иш қўзғатилиб, қамоққа олиш эҳтиёт чораси қўлланилди. Ҳозирда тергов ҳаракатлари давом этмоқда.
