Ўзбекистонлик 5 нафар гроссмейстер FIDE рейтингида топ-100 таликдан жой олди
Рейтингда Нодирбек Абдусатторов 7-ўринни эгаллаган.
Халқаро шахмат федерацияси (FIDE) 2025 йил июль ойига мўлжалланган янги рейтингини эълон қилди. Унга кўра, Ўзбекистонлик 5 нафар шахматчи дунёнинг энг кучли 100 шахматчиси рўйхатига киритилди.
Энг юқори натижани Нодирбек Абдусатторов қайд этиб, у 2771 рейтинг очкоси билан 7-ўринни эгаллади. Бу кўрсаткич унга кучли еттиликдан жой олиш имконини берди.
Рейтинг пешқадами эса, аввалгидек, норвегиялик собиқ жаҳон чемпиони Магнус Карлсен бўлиб, унинг ҳисобида 2839 балл мавжуд. Кучли учликдан яна америкалик Ҳикару Накамура (2807) ва Фабиано Саруана (2784) ҳам жой олган.
Амалдаги жаҳон чемпиони — ҳиндистонлик Гукеш Доммаражу 2776 балл билан 6-ўринда бормоқда.
Ўзбекистонлик шахматчиларнинг жаҳон топ-100 рейтингидаги ўринлари қуйидагича:
7-ўрин — Нодирбек Абдусатторов (2771)
25-ўрин — Жавоҳир Синдаров (2722)
48-ўрин — Рустам Қосимжонов (2675)
59-ўрин — Нодирбек Ёқуббоев (2663)
76-ўрин — Шамсиддин Воҳобов (2650)
Бу натижалар Ўзбекистон шахмат мактабининг жаҳон миқёсида тобора мустаҳкамланиб бораётганидан далолат беради.
