Туркияда вирус хавфи боис барча чорва бозорлари ёпилди
Вирус аниқланган ҳудудларда карантин эълон қилинган.
Туркия оёқ ва оғиз касаллиги вируси тарқалиши туфайли бутун мамлакат бўйлаб чорва бозорлари фаолиятини вақтинча тўхтатди. Касаллик бемор ҳайвонларнинг гўштини истеъмол қилиш орқали одамларга юқиши мумкин.
Қишлоқ ва ўрмон хўжалиги вазирлигининг Озиқ-овқат маҳсулотларини назорат қилиш бош бошқармаси барча 81 вилоятдаги бўлимларга шошилинч тарзда кўрсатма юборди. Унда Қурбон ҳайити ортидан вирусга чалиниш ҳолатлари кўпаяётгани қайд этилган.
Вирус аниқланган ҳудудларда карантин эълон қилинди. Расмийларга кўра, қисқа муддатда барча ҳайвонларни тўлиқ эмлашнинг иложи йўқ. Шунинг учун чорва савдоси билан боғлиқ ҳар қандай ҳаракат вақтинча тўхтатилди.
“Ҳайвонлар ва одамлар ҳаракатининг фаоллиги касаллик тарқалишини кучайтириши мумкин. Шунинг учун барча чакана савдо нуқталарини огоҳлантиришгача ёпишни сўраймиз”, — дейилади расмий баёнотда.
