“Челси” тарихий ғалаба билан Клублар ўртасидаги Жаҳон чемпиони бўлди

2025-йилги Клублар ўртасидаги Жаҳон чемпионати финалида Англиянинг “Челси” жамоаси Франциянинг “ПСЖ”си устидан йирик ҳисобда ғалаба қозонди. Беллашув 14-июль куни АҚШнинг Нью-Жерси штатидаги “MetLife” стадионида бўлиб ўтди. Лондон клуби илк бўлимда учта гол уриб, тарихий совринни қўлга киритди.

 

Ўйин эрта ҳужумлар билан бошланди. 22-дақиқада “Челси”нинг иқтидорли ҳужумчиси Коул Палмер ҳисобни очди. Орадан 8 дақиқа ўтиб, Палмер яна бир бор Париж клуби дарвозасини ишғол қилиб, дублга эришди. Бўлим сўнгида эса Жоао Педро 43-дақиқада учинчи голни киритиб, финалнинг якуний натижасини белгилаб берди.

 

Иккинчи таймда “ПСЖ” ҳисобни қисқартириш учун бир неча хавфли ҳужумлар уюштирди, бироқ “Челси” дарвозабони ва ҳимоячилари барчасини бартараф этди. 86-дақиқада эса парижликлар футболчиси Жоау Невеш рақиб ҳимоячиси Марк Кукурельянинг сочидан торткани учун ҳакам томонидан тўғридан-тўғри қизил карточка билан жазоланди.

 

Шу тариқа, “Челси” Клублар ўртасидаги Жаҳон чемпионати тарихида илк бор чемпионликни қўлга киритди. Бу Лондон клуби учун тарихий муваффақият бўлди, чунки бугунгача улар ҳеч қачон бу турнирда ғолиб чиққан эмас.