Давлат раҳбарининг тегишли фармонига асосан Президент Администрациясида кадрлар алмашинуви амалга оширилди
Президент Администрациясида бир қатор лавозимлар ўзгаришсиз қолди
Аввал хабар берилганимиздек, Ўзбекистон Республикаси Президентининг тегишли фармонига биноан қатор янги тайинловлар амалга оширилди. Шу билан бирга, Президент Администрациясининг айрим муҳим раҳбарлик лавозимларида ўзгаришлар киритилмади — қуйидаги мансабдор шахслар ўз вазифасида қолади:
Хайриддин Султонов — Президент маслаҳатчиси — Спичрайтер сифатида фаолиятини давом эттиради.
Шухрат Ғаниев — Президентнинг аграр ривожланиш масалалари бўйича маслаҳатчиси лавозимини сақлаб қолди.
Турсинхон Худайбергенов — Оролбўйи минтақасини барқарор ривожлантириш масалалари бўйича Президент маслаҳатчиси сифатида ишини давом эттиради.
Виктор Махмудов — Президент ҳузуридаги Хавфсизлик кенгаши котиби лавозимида қолмоқда.
Алишербек Пайғамов — Президент Администрациясининг Ташқи алоқалар департаменти раҳбари сифатида ишлашда давом этади.
Улуғбек Қурбонов — Президент Протоколи раҳбари лавозимини сақлаб қолди.
