Тошкентда ЙПХ ходими ва мототциклчи қиз пойга ўйнадими?
Тармоқда тарқалган хабарларга расмий изоҳ берилди.
Ижтимоий тармоқларда Тошкент шаҳрида ЙПХ машинаси ва мототциклчи қиз пойга ўйнагани айтилган видео тарқалиб, кўплаб муҳокамаларга сабаб бўлганди. Ҳолат юзасидан шаҳар ИИББ ЙҲХБ расмий муносабат билдирди.
Маълум бўлишича, ЙПХ машинаси ва мототцикл иштирокида ҳеч қандай пойга уйиштирилмаган. Шаҳрисабз кўчасида ҳаракатланаётган мототцикл ҳайдовчисини ЙПХ Ходимлари тўхтатган. Ҳайдовчининг ҳужжатларида камчиликлар аниқланган ва мототциклни жарима майдончасига олиб бориш кераклиги айтилган.
Ходимлар мототциклни жарима майдончасига олиб боришга қийналишгани учун ҳайдовчи мототциклни ўзи бошқарган ҳолда жарима майдончасига олиб борган. Мототциклчи қиз бу ҳолатни видеога туширган ва ўзининг ижтимоий саҳифасига жойлаган. Шу сабабли ижтимоий тармоқда бу ҳолат бошқача тарзда талқин этилган.
