Ўзбекистонда ўртача ойлик маош 6 млн сўмга яқинлашди
Миллий статистика қўмитаси Ўзбекистондаги ўртача ойлик номинал ҳисобланган иш ҳақи бўйича маълумот берди.
Маълумотларга кўра, 2025 йил январь–июнь ойларида ўртача ойлик иш ҳақи 5 982,3 минг сўмни ташкил этиб, кўрсаткичлар ўтган йилнинг мос даврига нисбатан 17,2% га ўсган.
Вилоятлар кесимида ўртача маошлар (минг сўмда):
Вилоятлар кесимида ўртача маошларга тўхталадиган бўлсак, Тошкент шаҳри 10 138,4 минг сўм билан энг юқори кўрсаткични қайд этди. Ундан сўнг Навоий вилояти 7 486,4 минг сўм билан иккинчи ўринда турибди. Тошкент вилоятида ўртача маош 5 674,4 минг сўмни ташкил этган.
Андижон (4 935,3 минг сўм), Бухоро (4 787,3 минг сўм), Сирдарё (4 789,8 минг сўм) ва Қорақалпоғистон Республикасида (4 757,2 минг сўм) ҳам маошлар мамлакат ўртачасига нисбатан юқори бўлган.
Хоразм вилоятида иш ҳақи 4 720,1 минг сўм, Фарғонада 4 443,8 минг сўм, Самарқандда 4 435,4 минг сўм, Жиззахда 4 476,8 минг сўм ва Наманганда 4 350,0 минг сўмни ташкил этган.
Энг паст кўрсаткичлар Сурхондарё (4 256,5 минг сўм) ва Қашқадарё (4 148,3 минг сўм) вилоятларида қайд этилди. Ушбу кўрсаткичлар ҳудудий иқтисодий фаоллик, меҳнат бозори шароитлари ва соҳавий ривожланиш даражасига боғлиқ ҳолда шаклланган.
