Қашқадарёда янги дор йўли ишга туширилди
Унинг умумий узунлиги 2084 метрни ташкил қилади.
“Шаҳрисабз” туристик марказида янги замонавий лойиҳа — "Мираки" дор йўли ўз фаолиятини бошлади. Бу ҳақида Қашқадарё вилояти ҳокимилиги хабар қилди.
Лойиҳа қиймати 160 миллиард сўмни ташкил этиб, дор йўли Австриянинг машҳур Doppelmayr Seibahnen GmbH компанияси томонидан ишлаб чиқарилган.
Дор йўл тизимида 7 та мустаҳкам минора, 20 та 8 ўринли Carvatech кабиналар мавжуд бўлиб, унинг умумий узунлиги 2084 метрни ташкил қилади. Бу замонавий транспорт воситаси ҳар соатда 660 нафар йўловчини ташиш имкониятига эга.
Пастки бекатда двигатель механизми, лифт, сувенир дўкони, кафе, тиббиёт пункти, она ва бола хонаси, банкомат, автотураргоҳ, электромобилларни қувватлаш станцияси жойлашган. Юқори бекатда эса меҳмонлар учун умумий овқатланиш шохобчаси, болалар ўйин майдончаси, томоша зоналари, селфи учун махсус масканлар ташкил этилган.
