Видеоселекторда ходимасини қучоқлаб ўтирган мансабдор ишдан олинди
Ижтимоий тармоқларда тарқалган видеодан сўнг Бандлик вазирлиги ҳодим билан меҳнат шартномаси бекор қилинганини маълум қилди.
Ижтимоий тармоқларда тарқалган видеоселектор йиғилиши пайтида туширилган скриншот катта муҳокамаларга сабаб бўлди. Унда Самарқанд вилоятининг Каттақўрғон туманида фаолият юритган бандлик бўлими раҳбари йиғилиш вақтида тиззасида ўтирган аёл ходимани қучоқлаб олгани акс этган.
Ҳолат юзасидан Камабағалликни қисқартириш ва бандлик вазирлиги расмий баёнот берди. Унда айтилишича, мазкур ҳаракат ходимнинг одоб-ахлоқ қоидаларига зиддир ва хизмат текшируви натижасида ҳолат тасдиқланган.
Вазирлик ахборот хизматига кўра, видеода кўриниб турган мансабдор ва бошқа тегишли ходимлар билан тузилган меҳнат шартномалари бекор қилинган. Аниқланишича, ушбу раҳбар 2023 йил декабрь ойидан бери Каттақўрғон туманида бандлик бўлими бошлиғи лавозимида ишлаган.
Бу ҳолат бандлик тизимидаги ахлоқий интизом масалаларига бўлган жиддий муносабатни яна бир бор эслатди. Эслатиб ўтамиз, 2024 йил апрель ойида ҳам Андижон шаҳридаги бандлик бўлими бошлиғи ва унинг ўринбосари иш жойида гиёҳванд модда истеъмол қилгани учун лавозимидан озод этилган эди.
Вазирлик хизмат интизоми ва одоб-ахлоқ қоидаларига қатъий амал қилиш принципига содиқлигини билдирган.
