Ҳокимлик ходимлари учун янги маош ва рағбат тизими жорий этилади

Ўзбекистон Президенти томонидан “Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари ходимларининг меҳнатига ҳақ тўлаш ва уларни моддий рағбатлантириш тизимини такомиллаштириш чора-тадбирлари тўғрисида”ги (PF–129, 7 август 2025 йил) фармон имзоланди.

 

Фармонга мувофиқ, 2025 йил 1 августдан бошлаб маҳаллий ижро этувчи ҳокимият органлари бошқарув ходимларининг маош ва рағбатлантириш тизими янгиланади.

 

Янги тартибга кўра:

 

Лавозим маошлари ягона тамойил асосида янгиланган тариф сеткаси ва кўп йиллик хизмат ҳамда лавозим даражасига қараб табақалаштирилган коэффициентлар асосида белгиланади.

 

Рағбатлантириш тўловлари энг муҳим самарадорлик кўрсаткичлари (KPI) асосида — ҳар ойлик устамалар, малака (мартаба) даражаси учун тўловлар ҳамда давр якуни бўйича бонус шаклида амалга оширилади.

 

Фақат фармонда кўзда тутилган устама, мукофот ва тўловларгина амалга оширилади; бошқа ҳар қандай қўшимча тўловлар тақиқланади.

 

Меҳнатга ҳақ тўлаш жамғармаси қуйидагилардан иборат бўлади:

 

1. Лавозим маоши.

 

2. KPI бўйича ҳар ойлик устама.

 

3. Малака даражаси учун тўловлар.

 

4. Мукофот ва бонуслар.