Ўзбекистон Қирғизистонни йирик ҳисобда мағлуб этди
Кападзе шогирдлари 4:0 ҳисобида ғалаба қозониб, Эрон билан ҳал қилувчи баҳсга йўл олди.
Ўзбекистон миллий жамоаси САФА-2025 турнирида финал йўлланмасини қўлга киритди. "Олимпия" стадионида бўлиб ўтган учрашувда Темур Кападзе шогирдлари Қирғизистон устидан ишончли ғалабага эришди — 4:0.
Ҳисобни 20-дақиқада Акмал Мозговой очди. Иккинчи бўлимда Отабек Шукуров пенальтидан гол урди, сўнг захирадан тушган Игор Сергеэв ҳисобни йириклаштирди. Якуний зарбани эса Азизбек Турğунбоев 90+4-дақиқада берди. Рақиблар эса 45-дақиқада Валерий Кичин қизил карточка олгач, майдонда бир киши кам бўлиб қолишди.
Натижада Ўзбекистон гуруҳда 7 очко билан биринчи ўринни эгаллади ва финалга йўл олди. Ҳал қилувчи учрашув 8 сентябрь куни Тошкентдаги "Олимпия" стадионида Эрон терма жамоасига қарши бўлиб ўтади. Учрашув соат 19:30 да старт олади.
Шунингдек, 3-ўрин учун баҳсда Уммон ва Ҳиндистон терма жамоалари 8 сентябрь куни Тожикистоннинг Ҳисор шаҳрида тўқнаш келишади.
