ЖЧ-2026: Испания Саудия Арабистонини йирик ҳисобда мағлуб этди
Мазкур баҳсда Ламин Ямал Жаҳон чемпионатидаги ўзининг илк голини урди.
Жаҳон чемпионати H гуруҳи 2-туридан ўрин олган Испания ва Саудия Арабистони ўртасидаги баҳс якунланди.
Учрашувда испанлар тўлиқ устунлик намойиш этиб, рақибини 4:0 ҳисобида мағлуб этди. Ҳисоб 11-дақиқада Ламин Ямал томонидан очилган бўлса, Микел Оярзабал 21 ва 24-дақиқаларда кетма-кет гол уриб, биринчи бўлимдаёқ жамоасига қулай устунликни тақдим этди.
Иккинчи бўлим бошида эса Саудия Арабистони ҳимоячиси Ҳассан Ал-Тамбакти ўз дарвозасини ишғол қилиб қўйди ва якуний ҳисобни ўрнатди.
Мазкур ғалабадан сўнг Испания очколари сонини 4 тага етказиб олди ва гуруҳдан чиқиш масаласини деярли ҳал қилди, Саудия Арабистони эса кейинги сўнги тур олдидан қийин ҳолатда қолди. 1 очкога эга саудияликлар 3-турда Кабо-Вердига қарши майдонга тушади.
