Андижондаги “заправка”да Spark портлади
Ҳодиса оқибатида ёнғин чиқмаган ва тан жароҳати олганлар йўқ.
5 сентябрь куни соат тахминан 11:15 да Андижон шаҳрининг «Андижон» МФЙ ҳудудида жойлашган автомобилларга газ тўлдириш компрессор шохобчасида ҳодиса содир бўлди. Бу ҳақда вилоят Фавқулодда вазиятлар бошқармасин хабар берди.
Дастлабки маълумотларга кўра, «Spark» русумли автомобилга газ тўлдириш вақтида портлаш юз берган.
Ҳодиса оқибатларини тезкорлик билан бартараф этиш мақсадида тегишли куч ва воситалар зудлик билан воқеа жойига етиб борган.
Портлаш оқибатида ёнғин келиб чиқмаган. Шунингдек, ҳодиса натижасида тан жароҳати олганлар қайд этилмаган.
